Səhiyyə ödənişləri şirkəti “Waystar Holding” 2024-cü ildə ən böyük satışlardan birinə çevrilən ilkin kütləvi təklifdə 968 milyon dollar cəlb edib.
IPO zamanı “Waystar” bir səhm üçün 21.5 dollar qiymətə 45 milyon səhm satıb. Bu, əvvəllər elan edilmiş bir səhm üçün 20-23 dollar qiymət intervalının orta göstəricisidir. Bundan əlavə, “Waystar” IPO qiymətinə 6.75 milyona qədər əlavə səhm almaq imkanı təklif edib. “Bloomberg” qeyd edir ki, bunu nəzərə alsaq, şirkətin təklifi 1 milyard dolları keçəcək.
“Waystar” yerləşdirmə zamanı toplanan vəsaiti borcunu ödəmək üçün istifadə etməyi planlaşdırır. ABŞ-nin Nasdaq birjasında “Waystar” səhmlərinin ticarəti iyunun 7-də WAY tikeri simvolu ilə başlayacaq.
“Waystar” səhiyyə təminatçıları üçün ödəniş proqramı hazırlayır. SEC-ə təqdim olunan sənədlərə görə, 2023-cü ildə şirkət 2022-ci ildəki 51.5 milyon dollara qarşı 51.3 milyon dollar xalis zərər edib. “Waystar”ın gəliri keçən il 705 milyon dollardan 791 milyon dollara yüksəlib.
