İqtisadi Əməkdaşlıq və İnkişaf Təşkilatı (OECD) ölkələrində neft və neft məhsullarının ümumi ehtiyatları (o cümlədən kommersiya və dövlət ehtiyatları) 2004-cü ildən bəri ilk dəfə olaraq sentyabr ayında 4 mlrd. bareldən aşağı düşüb.
Bu barədə Beynəlxalq Enerji Agentliyinin (IEA) noyabr hesabatında məlumat verilib.
“OECD ölkələrində neft ehtiyatları (sənaye və strateji ehtiyatlar) yanvar-sentyabr aylarında kəskin şəkildə 176,6 milyon barel azalaraq 2004-cü ildən bəri ilk dəfə olaraq 4 mlrd. bareldən aşağı düşüb”, – hesabatda bildirilir.
Bunun əksinə olaraq, OECD-nin kənarında neft ehtiyatları (xüsusən də Çində) 63,4 mln. barel artıb.
Bununla yanaşı, sentyabrda OECD ölkələrində neft və neft məhsullarının kommersiya ehtiyatları 8 milyon barel, dövlət ehtiyatları isə 37,4 milyon barel azalıb. Sentyabrın sonunda OECD ölkələrinin dövlət ehtiyatları 1 248 mln. barel təşkil edib, bu da son 26 ilin ən aşağı göstəricisidir.
