15 C
Baku
Bazar ertəsi, Oktyabr 18, 2021

Öldürülən Çad prezidentini oğlu əvəz etdi

Screen Shot 2021 09 02 at 14.34.20

Prezident İdriss Debi İtnonun ölümündən sonra Çadda keçid hərbi şurası yaradılıb.

“RİA Novosti” xəbər verir ki, mərhum prezidentin oğlu, general-leytenant Mahamat İdriss Debi İtno şuranın sədri seçilib.

Hərbçilər tezliklə “keçid dövrünün xartiyası”nı elan edəcəklər.

Prezidentin ölümü ilə əlaqədar Çadda iki həftəlik ümummilli matəm elan edilib. Bütün ölkə ərazisində komendant saatı tətbiq olunub.

Qeyd edək ki, bir qədər öncə Çad prezidenti İdriss Debi İtno qiyamçılara qarşı hərbi əməliyyat zamanı aldığı yaralardan ölüb. Dövlət başçısı həftəsonu paytaxt Ncamenadan şimalda qiyamçı qoşunlarını məhv etmək üçün şəxsən rəhbərlik etdiyi əməliyyat zamanı ölümcül yara alıb.

Bundan əvvəl isə Çadın seçki komissiyası ölkəyə 1990-cı ildən bəri rəhbərlik etmiş marşal İdriss Debi İtnonun aprelin 11-də prezident seçkilərində qələbə qazandığını bildirib.

Aprelin 11-də “Çadda Dəyişiklik və Razılaşma Cəbhəsi” (FACT) qiyamçı qrupunun silahlı birləşmələri Liviyadakı bazalarını tərk edərək Çada daxil olub.

Screen Shot 2021 09 23 at 11.36.43
Mənbə:Report
Son xəbərlər
360 380
Oxşar xəbərlər