2015-ci ilin yanvar-iyul aylarında əsas kapitala 9 368,5 milyon manat məbləğində, yaxud ötən ilin müvafiq dövrü ilə müqayisədə 3,5 faiz çox vəsait yönəldilmişdir.
Banker.az Dövlət Statistika Komitəsinə istinadən xəbər verir ki, cari ilin yanvar-iyul aylarında dövlət müəssisə və təşkilatları tərəfindən 2 mlrd. 660,6 mln. manat (bütün investisiyaların 28,4%-i), özəl müəssisə və təşkilatlar tərəfindən 6 mlrd. 707,8 mln. manat (bütün investisiyaların 71,6%-i) həcmində kapital qoyuluşları həyata keçirilib.
Yanvar-iyul aylarında müəssisə və təşkilatların vəsaitləri hesabına 6 mlrd. 773,6 mln. manat (artım 31%), bank kreditlərinin hesabına 443,3 mln. manat (artım 51%), büdcə vəsaitlərinin hesabına 1 mlrd. 662,9 mln. manat (azalma 48,3%), büdcədənkənar fondların vəsaitləri hesabına 153,8 mln. manat (azalma 6,4%), əhalinin vəsaitləri hesabına 273,2 mln. manat (artım 15,5%), digər mənbələr hesabına 61,7 mln. manat (artım 3,1%) həcmində kapital qoyuluşları həyata keçirilib.
