Ölkədə əhali və biznes təbii qaz istehlakını 2.5% artırıb – SOCAR bildirir

2022-ci ilin yanvar-sentyabr ayları ərzində Azərbaycanda ölkə daxilində 2.5 milyard kubmetr (2 536 376 000 m³) qaz istehlak olunub.

Bu barədə Banker.az-a SOCAR-dan bildirilir.

Bu da ötən ilin müvafiq dövrü ilə müqayisədə 2.5% çoxdur.

“Ölkə üzrə qazlaşdırma səviyyəsinin yüksəlməsi qaz istehlakının artımını şərtləndirib”- deyə, Dövlət Neft Şirkətindən şərh kimi qeyd edilir.

Qeyd edək ki, 2022-ci ilin ilk 9 ayında Azərbaycanda 11 milyard kubmetr təbii qaz hasil edilib. Bunun da 5.2 mlrd. kubmetri xaricə ixrac olunub.