Oman bu ilin avqustundan Ermənistan vətəndaşları üçün viza rejimini ləğv edib.
Bu barədə XİN-in mətbuat katibi Ani Badalyan bildirib.
“Oman hökuməti ölkə vətəndaşlarının birtərəfli qaydada vizadan azad edilməsi ilə bağlı Ermənistan hökumətinin verdiyi qərarı yüksək qiymətləndirərək, avqustun 11-dən Ermənistan vətəndaşları üçün viza tələbinin ləğv edilməsi haqqında qərar qəbul edib”, – o qeyd edib.
Mətbuat katibinin sözlərinə görə, qısamüddətli səfərlərə şamil edilən vizasız rejim turizm və humanitar əlaqələrin inkişafına töhfə verəcək.
