Təşkilatın hesabatına görə, OPEC-ə daxil olmayan ölkələrin neft hasilatı 2023-cü ildə gündəlik 1.8 milyon barel arta bilər. 2024-cü ildə təşkilatdan kənar neft hasilatının artımı proqnozu eyni səviyyədə saxlanılıb – sutkada 1.4 milyon barel. Eyni zamanda, proqnozlara görə, ABŞ göstəricinin artmasına ciddi töhfə verəcək.
OPEC-in məlumatına görə, ABŞ avqust ayında neft hasilatını rekord səviyyəyə çatdırıb və göstərici əvvəlki 13 milyon bareldən bir qədər yuxarı qalxıb. Avqustda maye karbohidrogenlərin ümumi hasilatı təqribən 21.2 milyon tona yüksəlib. OPEC qeyd edir ki, təşkilatdan kənar neft hasilatının artmasına Braziliya, Qazaxıstan, Norveç, Qayana, Meksika və Çin də nail olunacaq.
2024-cü ildə OPEC-ə daxil olmayan ölkələr arasında neft hasilatının sutkada 1.4 milyon barel artımı ABŞ, Kanada, Qayana, Braziliya, Norveç və Qazaxıstan hesabına gözlənilir. Eyni zamanda, göstəricidə ən böyük azalmanın Meksika və Malayziyada olacağı deyilir. OPEC-dən kənarda maye karbohidrogenlərin hasilatı üzrə proqnoz sutkada 100 min barel artırılıb.
OPEC 2023-cü ildə qlobal neft tələbatının artımı ilə bağlı proqnozunu yaxşılaşdırıb. Təşkilat həmçinin Rusiyada maye karbohidrogen hasilatı üzrə proqnozunu 2023-cü ildə gündə 80 min barel, 2024-cü ildə isə 100 min barel artırıb. Proqnoz Rusiyanın könüllü olaraq neft hasilatını azaltmasını nəzərə alır.
