OPEC+ alyasnı dekabr ayında planlaşdırılan neft hasilatının artırılmasını bir ay təxirə salmaq barədə razılığa gəlib.
Banker.az xəbər verir ki, bazar günü istehsalçı qrupundan olan üç mənbə bu barədə Reuters agentilinyə məlumat verib. Qərarın əsas səbəbi Çindən gələn tələbin zəif olması və qrupdan kənarda təchizatın artması ilə neft bazarına aşağı istiqamətli təzyiqin davam etməsidir.
Neft İxrac Edən Ölkələr Təşkilatı (OPEC) və Rusiya, Qazaxıstan və Azərbaycan və digər ölkələrdən ibarət olan OPEC+ qrupu dekabr ayında gündəlik istehsalı 180 000 barel artırmağı planlaşdırırdı. Lakin qiymətlərin düşməsi səbəbindən bu artım artıq oktyabr ayından təxirə salınmışdı.
Ancaq zəif tələb və iqtisadi göstəricilər qrupu əlavə təchizat artımı ilə bağlı narahat edib. Ötən həftə, qərarın qəbulundan əvvəl, mənbələr Reuters-ə bu barədə məlumat vermişdi. Qərar bazar günü nazirlər arasında aparılan məsləhətləşmələrdən sonra təxirə salınıb.
Qeyd edək ki, qlobal bençmark Brent nefti ilin əvvəli ilə müqayisədə 5% ucuzlaşıb. Hazırda bir bareli 73 dollar ətrafında satılır.
