Qlobal neft sektoru 2045-ci ilə qədər apstrim, midstim və daunstrim əməliyyatları üzrə 12,6 trilyon dollar məcmu investisiyaya ehtiyac duyacaq.
Bu sözləri OPEC-in Baş katibi Məhəmməd Sanusi Barkindo Azərbaycanın sədrliyi ilə Enerji Xartiyası Konfransının dekabrın 17-də videokonfrans formatında keçirilən 31-ci iclasında deyib.
O bildirib ki, OPEC enerji səmərəliliyinin istixana qazı emissiyalarının azaldılması və davamlı inkişafa imkan verən vasitə baxımından əhəmiyyətini qəbul edir. Bu baxımdan istehsalçılar və istehlakçılar arasında dialoq və rəqəmsallaşma vacibdir.
