Neft İxrac Edən Ölkələr Təşkilatının (OPEC) OPEC ölkələrinin 2021-ci ildə neft və neft məhsullarının ixracından əldə etdiyi gəlirlər 2020-ci illə müqayisədə 77% artaraq, 560,633 milyard dollara çatıb.
OPEC-in illik statistik bülleteninə əsasən, ötən ilin nəticələrinə görə, yalnız OPEC ölkələrinin neft ixracı illik ifadədə 0,2% azalaraq, gündəlik 19,66 milyon barel təşkil edib. Bu göstərici üzrə azalma artıq beşinci ildir ki, müşahidə olunur.
Qeyd olunur ki, əvvəlki illərdə olduğu kimi, OPEC-ə üzv olan ölkələrdən neftin əsas həcmi – gündəlik 14,24 milyon barel və ya 72,4%-i Asiyaya ixrac edilib. İxrac edilən neftin həcminin əhəmiyyətli hissəsi – gündəlik təqribən 3,27 milyon bareli Avropaya ixrac edilib. 2020-ci ildə bu göstərici 3,13 milyon barel səviyyəsində olub.
