Qlobal neft bazarı bu ilin ikinci yarısında tədricən sabitləşəcək, məhz bu zaman tələbatın artmasının başlanmasını gözləmək olar. Bu barədə Neft İxrac Edən Ölkələr Təşkilatının (OPEC) aylıq hesabatına deyilir.
Sənəddə qeyd olunub ki, hələlik bazar dünya iqtisadiyyatına dağıdıcı təsir göstərən koronavirus böhranının təsiri altındadır. Gələn il gündəlik neftə olan tələbatın rekord dərəcədə (7 mln. barel) artımı gözlənilir. Buna baxmayaraq, ümumi tələbat yenə də böhrandan əvvəlki səviyyədən aşağı olacaq.
Məlumata əsasən, gələn il OPEC ABŞ, Braziliya, Norveç, Kanada, Avstraliya, Ekvador və Qətərdən tədarükün artırılmasını gözləyir.
