OPEC rəhbərliyi OPEC+ üzvləri ilə bir sıra telefon danışıqları aparıb, koronavirusa əleyhinə peyvəndin ləngiməsini və bazarda çatışmazlıq riskini, eyni zamanda neft hasilatında tədricən artım ssenarisini müzakirə edib, amma konsensus əldə edilməyib.
“İttifaqın bir sıra üzvləri ilə danışıqlar aparılıb. Bazar vəziyyəti, qiymətlərin kəskin azalması və koronavirusa qarşı aşılamanın dərəcəsi müzakirə edilib. Bazarda nisbət və ehtimal olunan çatışmazlıqlar barədə narahatlıqlar var idi. Bütün mümkün risklər müzakirə edilib”, – deyə agentliyin həmsöhbəti deyib.
“OPEC+”ın neft hasilatında mərhələli artımı müzakirə edib-etmədiyi barədə soruşduqda suala mənbə müsbət cavab verib: “Bəli, bu da müzakirə olunub. Ancaq bu, qərarın artıq verildiyi anlamına gəlmir, ortaq bir fikir yoxdur. Hər şey növbəti görüşdə bəlli olacaq”.
Xatırladaq ki, OPEC ölkələri ilə bu təşkilata üzv olmayan dövlətlər, o cümlədən Rusiya arasında müqavilə 2017-ci ildə başlamışdı, lakin 2020-ci ildə yenilənmişdi. Daha sonra ittifaq, koronavirus pandemiyasının yaratdığı tələbin azalması səbəbindən may ayından bəri gündəlik neft hasilatını 9,7 milyon barel azaldıb.
Tələb bərpa olunduqca məhdudiyyətlər yenidən düzəldilib və bu mart ayı üçün gündəlik 7,05 milyon barel, aprel ayında 6,9 milyon barel və Səudiyyə Ərəbistanının könüllü azalması nəzərə alınmaqla müvafiq olaraq 8,05 və 7,9 milyon barel təşkil edib.
OPEC + Nazirlər Monitorinq Komitəsinin (JMMC) növbəti iclası martın 31-də keçiriləcək, bütün OPEC+ alyansının iclasının 1 aprel tarixində keçirilməsi planlaşdırılır.
