24 C
Baku
Thursday, July 18, 2024

OPEC+ öz bildiyini etdir, hasilatı plan üzrə artırır – neft yenidən bahalaşdı

OPEC+ ölkələrinin Nazirlər Monitorinq Komitəsinin növbəti iclası başlayıb.

Banker.az bu barədə Bloomberg-ə istinadən xəbər verir.

İclasda aprel ayında neft hasilatının artırılması məsələsi müzakirə olunacaq. Belə ki, OPEC+ formatı çərçivəsində ötən ilin avqustundan bu yana hər ay gündəlik hasilatı 400 min barel artırmaq cədvəlinə 2022-ci ilin sentyabrınadək əməl ediləcəyi güman olunur.

Bu qərardan sonra Brentin qiyməti yenidən bahalaşaraq 116 dollar/barrelə çatdı.

Komitə aprel ayındakı hasilatla bağlı qərarı razılaşdırsa, həmin qərar daha sonra başlayacaq OPEC+ nazirlər konfransında təsdiqlənəcək. Mənbənin fikrincə, gündəlik hasilatı 400 min barel artırmaq planını aprel ayında da qüvvədə saxlanılacağı ehtimalı yüksək dəyərləndirilir.

Səudiyyə Ərəbistanı, Birləşmiş Ərəb Əmirlikləri, Küveyt, İraq, Əlcəzair, Qazaxıstan, Rusiya, Venesuelanın təmsil olunduğu Nazirlər Monitorinq Komitəsində ötən gün OPEC+ alyansının Texniki Komitəsi tərəfindən hazırlanmış neft bazarı ilə bağlı hesabatı da müzakirə olunacaq.

Xatırladaq ki, “OPEC+” ölkələri nazirlərinin ötən ilin iyul ayında keçirilmiş 19-cu iclasında avqustdan etibarən gündəlik xam neft hasilatının hər ay 400 min barrel artırılmasına, 5,8 milyon barel həcmində ixtisarların isə 2022-ci ilin sentyabrında başa çatdırılmasına və maydan etibarən neft hasilatının baza səviyyəsinə qismən düzəlişlər edilməklə “Əməkdaşlıq Bəyannaməsi”nin müddətinin bu ilin sonunadək uzadılmasına dair qərar qəbul edilib.

Son xəbərlər
Digər xəbərlər