17 C
Baku
Wednesday, October 5, 2022

OPEC: Qışda enerji böhranı yarana bilər

Yaxın gələcəkdə böyük qlobal tənəzzülün baş verməsi ehtimalı azdır, lakin qışda enerji böhranı yarana bilər.

Bu barədə Neft İxrac Edən Ölkələr Təşkilatının (OPEC) baş katibi, Küveytin nümayəndəsi Heysəm əl-Qais bildirib.

Onun sözlərinə görə, OPEC həmişə bazar ehtiyaclarını ödəməyə çalışıb, lakin 5 sentyabr iclasında (OPEC+ razılaşması iştirakçıları nazirlərinin iclası – red.) hasilatın daha da artırılması ilə bağlı qərar verilib-verilməyəcəyini söyləmək hələ tezdir.

“Biz bir araya gəlib bazarın parametrlərinə yenidən baxmalıyıq, hər şey ondan asılıdır”, – deyə Heysəm Əl-Qais bildirib.

O qeyd etdi ki, İranın neft tədarükünün tədricən bərpası OPEC-in maraqlarına uyğundur və qlobal yanacaq bazarında tarazlığı pozmayacaq.

“Düşünürəm ki, İran neftinin hər barelinin tədricən qaytarılması İranın özünün, OPEC-in və bazar iştirakçılarının daha geniş dairəsinin maraqlarına uyğundur. Yəni bu tarazlığa təsir edə bilməyəcək”, – Heysəm Əl-Qais əlavə edib.

MənbəApa
Son xəbərlər
Oxşar xəbərlər