Neft İxrac Edən Ölkələr Birliyi (OPEC) və kartelə daxil olmayan ölkələrin nümayəndələrinin birliyin hasilatın azaldılması barədə qərarına qoşulma barədə danışıqları dekabrın 10-da Avstriyanın paytaxtı Vyanada baş tutacaq.
SalamNews-un “Bloomberg” agentliyinə istinadən verdiyi xəbərə görə, bu barədə Nyu-Delidə çıxışı zamanı təşkilatın baş katibi Məhəmməd Barkindo məlumat verib.
OPEC-in noyabrın 30-da Vyanada keçirilən toplantısından sonra kartelə daxil olmayan ölkələrlə görüşün 9-10 dekabr tarixlərində keçirilə biləcəyi söylənilib.
KİV mənbələrə istinadla görüşün Doha, Vyana və ya Moskvada keçirilə biləcəyini xəbər verib.
