“OpenAI” şirkəti “Stargate” layihəsi çərçivəsində məlumat mərkəzləri qurmaq üçün “Oracle” ilə illik 30 milyard dollarlıq müqavilə bağlayıb, bu barədə “Financial Times” yazıb. Xatırladaq ki, daha əvvəl “OpenAI” və “SoftBank” ABŞ-də və bütün dünyada məlumat mərkəzlərinin qurulmasına 500 milyard dollar sərmayə qoymaq barədə razılaşıb.
Qəzetin mənbələrinə görə sözügedən məlumat mərkəzləri Texas, Miçiqan, Viskonsin, Vayominq, Nyu-Meksiko, Corctaun, Ohayo və Pensilvaniya kimi ştatlarda yaradılacaq.
“Oracle” şirkəti “Stargate” layihəsinə 7 milyard dollar sərmayə qoymağı öhdəsinə götürüb və 2026-cı ildə daha25 milyard dollar xərcləməyi planlaşdırır. “Biz bütün rəqiblərimizdən daha çox bulud infrastrukturu məlumat mərkəzləri quracağıq və işlədəcəyik”, — deyə şirkətin təsisçisi Larri Elisson söyləyib.
“Financial Times” əlavə edib ki, “Oracle” məlumat mərkəzi üçün təxminən 40 milyard dollar dəyərində 400 min yüksək performanslı “Nvidia GB200” çipləri alacaq.
