“2019-cu ildə Azərbaycanda 19 807 arıçıya 426 533 ədəd arı ailəsinə görə 4,3 milyon subsidiya ödənilib. 2020-ci ildə bu rəqəmlərin artacağı gözlənilir”.
Bunu açıqlamasında Kənd Təsərrüfatı Nazirliyinin Heyvandarlığın təşkili və monitorinqi şöbəsinin müdiri Esmira Lətifova deyib.
Bundan başqa, onun sözlərinə görə, ötən il ölkədə əvvəlki illə müqayisədə 64% çox – 5 min ton bal istehsal edilib: “Bu həcm daxili tələbatı ödəməyə imkan verir və artıq ixrac istiqamətində çalışmaq, arıçılıq məhsullarını vahid ad altında ixrac etmək kimi qarşımıza məqsəd qoyur. Bununla yanaşı, ölkədə fəaliyyət göstərən müəssisələr arasında bal ixrac edənlər var”.
©Report
