Azərbaycanda ATM və Pos terminalların sayı artmaqda davam edir.
Banker.az Mərkəzi Banka istinadən xəbər verir ki, 1 dekabr tarixində bankomatların sayı 2 586 ədədə çatıb. 2014-cü ilin əvvəlindən isə ölkədə, 169 ədəd bankomat quraşdırılıb.
Bankomatların 1 460 ədədi Bakı şəhərində, 1 126 ədədi isə Regionlarda quraşdırılıb.
Həmçinin ölkədə Pos terminalların sayı 68 676 ədəd təşkil edib. 2014-cü ilin əvvəli ilə müqayisədə isə Pos terminalların sayı 35 631 ədəd artıb ki, bu da təxminən 2 dəfə artım deməkdir.
Pos terminalların çox hissəsi isə Bakı şəhərində quraşdırılıb. Belə ki, Pos terminalların 47 250 ədədi Bakı şəhərində, 21 426 ədədi isə Regionlarda quraşdırılıb.
