1 iyul tarixində Azərbaycanda iqtisadiyyata cəmi kredit qoyuluşu 16 754,8 mln manat təşkil edib.
Banker.az Mərkəzi Banka istinadən xəbər verir ki, cəmi kredit qoyuluşları ilin əvvəlindən 1 271 mln manat və ya 9%, ötən ilin müvafiq dövrü ilə müqayisədə 2 981 mln manat və ya 22% artıb.
Həmçinin dövlət banklarının kredit qoyuluşları 5 785,2 mln manat, özəl bankların kredit qoyuluşları 10 499,7 mln manat, qeyri-bank kredit təşkilatlarının kredit qoyuluşları isə 469,8 mln manat təşkil edib.
Qeyd edək ki, dövlət və özəl banklarının kredit qoyuluşlarının artmasına baxmayaraq, qeyri-bank kredit təşkilatlarının kredit qoyuluşları son 3 ayda dəyişilməz qalıb.