Özbəkistan Ələt qəsəbəsində “Bakı Beynəlxalq Dəniz Ticarət Limanı”nın bazasında öz anbarlarını aça bilər.
Bu məsələ Özbəkistanın baş nazirini müavini – investisiyalar və xarici ticarət naziri Jamşid Xodjayevin “Bakı Beynəlxalq Dəniz Ticarət Limanı” QSC-nin baş direktoru Taleh Ziyadovla görüşü zamanı müzakirə olunub.
“Görüşdə nəqliyyat-logistika əlaqələrinin daha da genişləndirilməsi imkanları, xüsusilə “Ro-Ro” tipli yüklərin dəniz limanları vasitəsilə konteyner daşınması və daşınması həcminin artırılması istiqamətində tədbirlərin görülməsi nəzərdən keçirilib. Tərəflər beynəlxalq avtomobil əlaqəsi haqqında Hökumətlərarası Sazişin imzalanmasını alqışladılar. Bakı Beynəlxalq Dəniz Ticarət Limanının bazasında Özbəkistanın anbarlarının və konteyner terminallarının açılmasının və iki ölkənin əraziləri vasitəsilə yüklərin, o cümlədən ilkin zəruri malların qarşılıqlı daşınması məsələlərini müzakirə etmək üçün Beynəlxalq Avtomobil Əlaqəsi üzrə Qarışıq Komissiyanın iclasının keçirilməsinin perspektivliyi vurğulanıb”, – Özbəkistan İnvestisiyalar və Xarici Ticarət Nazirliyinin məlumatında deyilir.
Bundan əlavə, Xodjayev “Ələt azad iqtisadi zonasınınİdarə Heyətinin sədri Valeh Ələsgərovla görüşüb. «Aİ, MDB və digər qonşu dövlətlərin bazarlarına gələcəkdə ixracın təşkili ilə Ələt azad iqtisadi zonasının ərazisində yüksək əlavə dəyərə malik qida, dəri-ayaqqabı, tekstil və digər tələbat məhsulların istehsalı sahəsində birgə layihələrin həyata keçirilməsinə yönələn investisiya tərəfdaşlığının genişləndirilməsi perspektivləri müzakirə olunub», – məlumatda vurğulanıb.
Görüşlərin yekununda müzakirə olunan layihə və təşəbbüslərin icrası çərçivəsində gələcək qarşılıqlı əlaqənin formatı razılaşdırılıb.
