Biz hamımız məşhur rəssam Pablo Pikassonun adını tanıyırıq, o 20-ci əsrin ən özünəməxsus dahilərindən biridir. O, bir çox sınaqlardan çıxmışdır –yoxsulluq və zənginlik, müharibə və sülh, qadın diqqəti və ümumdünya şöhrəti. 2009-cu ildə Forbes jurnalı onu dünyanın son 100 il ərzində yaşamış ən yaxşı rəssamı adlandırıb.
Onun uğurunun tarixini yəqin ki, təkrarlamaq qeyri mümkündür, amma Pikassodan öyrənəsi çox şey var. Bu dəfə sizə dahi ustaddan yaşayıb, yaratmaq ilə bağlı məsləhətlər təqdim edirik.
1. ETMƏK ÜÇÜN INANMAQ LAZIMDIR
«Bacaracağına inanan hər kəs bacara bilir. Bacarmayacağını düşünənlər isə bacara bilmir. Bu təkzib edilməz və dəyişilməz bir qanundur».
İnanclar, düşüncə tərzi fəaliyyətin nəticəsini müəyyən edir, onu nəzarətdə saxlayır. Əgər siz hesab etsəniz ki, bu, sizdə alınmayacaq, onda təhtəlşüurda, qeyri iradi olaraq, həyəcanlanmağa, hətta bilmədən səhv etməyə də başlayacaqsınız. Digər tərəfdən əgər siz düşünsəniz ki, sizdə alınacaq, onda sizin beyniniz başqa istiqamətdə işləyəcək və onda beyniniz kədərlənmək və şikayətlənmək öz fəaliyyətini probleminin həllinə yönəldəcək. Nəticədə isə problemin həlli yolları və imkanları özü-özünə ortaya çıxmağa başlayacaq, necə ki, yağışdan sonra hər yerdə göbələklər çıxır.
2.ÖZ BILIK VƏ BACARIQLARINIZIN SƏRHƏDLƏRINI GENIŞLƏNDIRIN
«Mən həmişə bacarmadığım işləri də görürəm ki, yeni nəsə öyrənim».
İnkişaf üçün özünü qabağa itələmək lazımdır. Bu bir az qorxulu görünə bilər. Sizə bu məsələ ilə bağlı verə biləcəyim ən yaxşı məsləhət belə səslənir: Bacarmadığınız bir işi görəndə özünün mümkün qədər məhz indiki zamanda, olduğunuz anda hiss edin, gələcək barədə düşüncələrə çox qapılmayın. Bu ciddi şəkildə neqativ həyəcanları və narahatlığı azalda bilər. Sizin şurunuzda və vücudunuzda belə bir fikirlər olmayanda isə, diqqəti cəmləmək asanlaşır və siz yaxşı nəticələr əldə edir, yekunda isə öyrənmək istədiyinizi mənimsəmiş olursunuz.
3. İLHAM PƏRISINI GÖZLƏMƏYIN, BAŞLAYIN
«İlham pəriləri mövcuddur, amma onlar həmişə iş əsnasında gəlir».
Bəli ilham və ya ilham pəriləri deyilən anlayış mövcuddur, amma o sizi mütləq iş başında yaxalamalıdır. “Lazımı” anın yetişməsi üçün, küllü miqdarda vaxt itirməyin, əlbəttə ki, ilham pərisi lüft edib, təşəbbüs buyursa, lap gözəl, yaradın! Amma yalnız bu möcüzəvi varlığın fəaliyyət müddəti ilə özünüzü məhdudlaşdırmayın. Bəzən özünü xüsusi bacarıq tələbə etməyən və sadəlövhcəsinə ilham pərisinin dəstəyini gözləməyə ehtiyacın olmadığı işləri görməyə məcbur etməlisən. İlham pərisi ədviyyat kimidir, ondan lap azacıq lazımdır, amma o, hər şeyi dəyişməyə qadirdir.
4. DAHA ÇOX VƏ DAHA ÇOX HƏRƏKƏT EDIN
«Sabaha yalnız ölənə kimi görmək istəmədiyiniz işləri saxlayın. Hərəkət –uğurun əsas açarıdır».
Hərəkət olmasa istənilən bir informasiya faydasızdır. Bu şəxsi inkişafın o hissəsidir ki, adətən onu yaddan çıxarır, ya da ona məhəl qoymurlar. Bəzən sizə elə gələ bilər ki, hərəkətə başlamaq çətindir, ya da indi “həmin an” deyil. Amma daha çox etmək vərdişi çox şeyi dəyişə bilər. Bu nəticələrə nail olmaq üçün ən effektiv vasitədir. Hərəkət prosesinsə siz özünüzü daha yaxşı tanıyır, dünyagörüşünüzü formalaşdırır, və öz sahənizin praktikada üzə çıxan xüsusiyyətlərini mənimsəyirsiniz.
5. DÜZGÜN SUALLAR VERIN
«Məndən öncəkilər olanları görür və soruşurlar ki, niyə bu var? Mən isə ola biləcəkləri görür və soruşuram ki, niyə də yox (niyə də olmasın?).
Özünə yanlış suallar vermək çox asandır. Elə suallar ki, onların cavabları sizin səriştəsiz, axmaq və səhv olduğunuzu bir daha təsdiqləyəcək. O, suallar ki, sizi yüksəltmək əvəzinə əksində daha da batıracaq. Pozitiv suallar verin, elə suallar ki, imkanlar qapısını bağlamaq əvəzinə, üzünüzə açsın. Demək olar ki, siz istənilən bir situasiyada özünüzə belə bir sual verə bilərsiniz: bu təcrübənin yaxşı tərəfi nə idi? Bu minnətdarlıq hissi vasitəsi ilə öz əhval-ruhiyyəni və fikirləri pozitivə doğru dəyişmək üçün yaxşı bir üsuldur.
6. MÜHAKIMƏ ETMƏYIN VƏ SIZ GIZLI GÖZƏLLIYI GÖRƏCƏKSINIZ
«Kaş ki, beyindən qurtulub, təkcə gözlərdən yararlanmaq mümkün olsaydı».
Bu günlə, indiki məqamla yaşayın – onda siz daha az analiz edəcək, az mühakimə edəcək və beyninizi mənasız tapşırıqlar ilə çətinə salmayacaqsınız. Hazırkı anla yaşadıqda adət etdiyiniz dünya qeyri adiləşir. Siz ağaclarda, təbiətdə, insanlarda daha çox rənglər və canlılıq görürsünüz. Sizə sıravi, labüd və əhəmiyyətsiz görünən hər şey, bir də birə heyranedici və dəyərli olur, sanki siz dünyaya daha aydın şəkildə baxırsınız.
7. HƏLƏ HƏYATA SEVINMƏYƏ GEC DEYIL
«Gəncliyin yaşı yoxdur».
İctimai fikrə sizi nəyi edib, nəyi edə bilməyəcəyinizi diktə etməyə imkan verməyin, əgər məsələ təkcə yaş fərqidirsə. Əksər hallarda yaş sadəcə sizin beyninizdəki ki, bir qeyddir. Əgər siz öz həyat xəttinizə bir zaman kəsiyi kimi baxsanız, onda nəyisə dəyişmək üçün həqiqətən gec ola bilər. Amma əgər, siz daha çox indiki zamanla yaşamağı öyrənsəniz, belə fikirlərin əksəriyyəti sadəcə qüvvədən düşür, siz başa düşürsünüz ki, şüurlu şəkildə istədiyinizi seçə və edə bilərsiniz. Elə indi.
