Pakistan hökuməti deportasiyanın ikinci mərhələsi çərçivəsində bir milyona yaxın əfqanıstanlını öz ölkəsinə geri qaytaracaq.
Artıq İslamabad yerli hakimiyyət orqanlarına və hüquq-mühafizə orqanlarına prosesi yekunlaşdırmağı tapşırıb.
Əfqanıstanlıların repatriasiyasına cari ilin yay aylarında başlanılacaq.
Xatırladaq ki, Pakistan hələ 2023-cü ilin noyabrından sənədi olmayan əcnəbiləri ölkədən deportasiya etməyə başlayıb. Müxtəlif hesablamalara görə, bu müddət ərzində 800 mindən çox Əfqanıstan vətəndaşı Pakistanı tərk edib.
