Azərbaycan hökuməti müxtəlif ölkələrdən, o cümlədən Pakistandan olan vətəndaşlara elektron səfər vizalarının təqdim olunması üçün “istifadəçi dostu” onlayn xidmətini istifadəyə verib.
Bu addım turizmi asanlaşdırmaq və mədəni əlaqələri gücləndirmək məqsədilə atılıb.
Məlumatda bildirilib ki, “istifadəçi dostu” onlayn xidmətinin istifadəyə verilməsi pakistanlı turistlərin Azərbaycana əngəlsiz girişini təmin edir.
Qeyd edək ki, Azərbaycana səfər vizasının rüsumu 2023-cü ilin noyabrı üçün aşağıdakı kimidir:
Standart kateqoriya: Birdəfəlik 30 günlük elektron ziyarət vizası üçün pakistanlı turistlər standart kateqoriyadan 69 dollar ödəməklə faydalana bilərlər. Bu kateqoriya üzrə viza müraciətlərinə baxılma müddəti 3 və 5 gün arasında dəyişir.
Təcili kateqoriya: Pakistan vətəndaşları üçün viza 119 dollara başa gəlir.
