Azərbaycan Respublikası Audit Palatası tərəfindən iki audit şirkətinə yeni lisenziyalar verilib.
Banker.az xəbər verir ki, bunlar “ATAC” MMC və “AZAUDİT” MMC-dir.
“ATAC” MMC-nin direktoru Osmanov İlfan İlham oğludur və qeydiyyat ünvanı Bakı şəhəri, Xətai rayonu, Məhəmməd Hadi küçəsi, ev 39F, mənzil 181-dir. Şirkətə AT/339 nömrəli audit lisenziyası verilib və bu lisenziya 15 aprel 2025-ci ildən 15 aprel 2030-cu ilədək qüvvədə olacaq.
Lisenziya verilən digər təşkilat isə “AZAUDİT” MMC-nin direktor vəzifəsini İsrəfilov Afiq Tofiq oğlu icra edir və Bakı şəhəri, Babək prospekti 12A ünvanında, Babək Plaza-nın B-blokunun 6-cı mərtəbəsində yerləşir. “AZAUDİT” MMC-yə AT/038 nömrəli audit lisenziyası təqdim olunub. Lisenziya 17 mart 2003-cü ildən 13 may 2026-cı ilədək qüvvədədir.
