Hesablama Palatası Azərbaycan Respublikası Dövlət Neft Fonduna yeni likvid portfel yaratmağı təklif edib.
Banker.az xəbər verir ki, bu barədə Hesablama Palatasının Fondun 2023-cü il büdcəsinin icrasına verdiyi rəydə qeyd edilib.
“Valyuta hərraclarında tələbin artan qeyri-müəyyənliyi fonunda Fond tərəfindən öhdəliklərin (dövlət büdcəsinə transfertin) vaxtında yerinə yetirilməsi, əlavə xərc (alqısatqı xərcləri, potensial itkilərin reallaşdırılması) və risklərin (bençmarkların izlənilməsinə maneələr) yaranmaması üçün likvidliyin idarə edilməsi məqsədilə alt portfelin tərkibində potensial tələb miqdarında yeni likvid portfelin yaradılması məqsədəuyğundur”, – deyə rəydə qeyd olunub.
