28 C
Baku
Thursday, July 25, 2024

Pambığın bahalaşması səbəbindən ölkəmiz ixracda hər tona əlavə $679 qazanır

Azərbaycan pambıq ixracını 2022-ci ilin ilk 11 ayındakı nəticələrə əsaslansaq kəskin azaldıb.

Banker.az Dövlət Gömrük Komitəsinə istinadən xəbər verir ki, cari ilin yanvar-noyabr ayları ərzində xaricə 70 819 ton həcmində pambıq lifi, 7 984 ton isə pambıq iplik ixrac edib.

2021-ci ilin eyni dövründə ölkə xaricə 117 239 pambıq lifi və 16 851 ipliyi ixrac etmişdi.

İllik müqayisədə pambıq lifinin ixrac həcmi 46 420 ton və ya 40% azdır.

Pambıq lifini ixrac həcmi isə $163.05 milyon olub. İllik müqayisədə bu rəqəm isə cəmi 14% öncəki ildən zəifdir.

İxrac mmiqdarının dəyərdən daha çox olmasına səbəb pambığın hər tonunun bu il öncəki ildən 42% baha satmasıdır.

Azərbaycan xaricə ötən ilin ilk 11 ayında pambıq lifinin hər tonunu $1 623.6 ixrac edirdisə, bu rəqəm cari ildə $2 302.3-ə qədər yüksəlib.

Belə çıxır ki, bu il pambığın hər tonunda Azərbaycan öncəki ildən $678.7 əlavə gəlir əldə edir.

2022-ci ilin ilk 10 ayının nəticəsinə görə ixrac edilmiş pambığın $100.9-u “MKT İstehsalat Kommersiya” MMC tərəfindən həyata keçirilmişdi.

“Ağ qızıl”ın 90%-dən çoxu Türkiyəyə, qalan hissəsi isə İran və Banqladeşə ixrac edilir.

Son xəbərlər
Digər xəbərlər