“Pandora” markası təbii almazlardan imtina edərək, laboratoriyada yetişdirilən daşlara keçəcək.
Banker.az bu barədə “Vc.ru”ya istinadən xəbər verir.
Şirkətin CEO-su Aleksandr Laçik BBC-yə verdiyi müsahibədə təbii almazlardan imtinanın davamlı inkişaf siyasətinin bir hissəsi olduğunu bildirib.
Qeyd edək ki, “Pandora”nın süni almazlardan hazırladığı ilk zərgərlik əşyaları İngiltərədə 250 funt sterlinqdən (350 dollar) başlayan qiymətlərlə satışa çıxarılacaq.
Today we launch our first lab-created diamond collection Pandora Brilliance and we announce that we will stop using mined diamonds in our products. Our aim is to make diamond jewellery accessible to a wider audience.
Read more on https://t.co/Qx1RdgVDfK pic.twitter.com/PdnAk1VZnd— Pandora Group (@PANDORA_Corp) May 4, 2021
“Bain&Company” konsaltinq şirkətinin mütəxəssisi bildirib ki, alıcılar daha maraqlı dizayn və ucuz qiymət səbəbindən çox vaxt laboratoriyada yetişdirilən daşlara üstünlük verirlər. Almaz mədəninin ekoloji və etik nəticələri narahatlıqların ilk beşliyinə daxil deyil.
Antverpen Ümumdünya Almaz Mərkəzinin (AWDC) hesabatına görə, 2020-ci ildə təbii almaz istehsalı 111 milyon karata düşüb. Xatırladaq ki, 2017-ci ildə bu göstərici 152 milyon karat olub. Ən böyük azalma Rusiya, Kanada, Botsvana və Avstraliyada qeydə alınıb.
