®Ölkənin aparıcı korporativ maliyyə institutu “PAŞA Bank”, “Azərbaycanda alternativ investisiyalarla tanışlıq: beynəlxalq maliyyə institutları və yerli bazar iştirakçıları arasında tərəfdaşlıq” adlı konfransı keçirir.
“Four Seasons” mehmanxanasında keçirilən tədbirin əsas məqsədi yerli bazarda alternativ investisiyaların cəlb edilməsi potensialını üzə çıxarmaq və beynəlxalq maliyyə standartlarına uyğun inkişaf strategiyalarını müzakirə etməkdir.
Konfransda iştirak edən tənzimləyici qurumların nümayəndələri, beynəlxalq maliyyə institutlarının ekspertləri, sahibkarlar və iş adamları bu sahədə birgə əməkdaşlığı, iqtisadi artımı dəstəkləyən maliyyə alətlərinin tətbiqi, investisiya ekosistemindəki çağırışlar və imkanlara dair fikir mübadiləsi aparırlar. Tədbir çərçivəsində keçirilən müzakirə panelində, dəvət edilmiş ekspertlər maliyyə institutları və korporativ müştərilər arasında dialoqun qurulması, investor risklərinin azaldılması, bizneslər üçün faydalı mühitin yaradılmasını ətraflı müzakirə edirlər.
“PAŞA Bank” yerli bazar iştirakçıları, beynəlxalq maliyyə institutları, investorlar və ölkəmizin real sektorunun təmsilçiləri arasında tərəfdaşlığın inkişafını gücləndirərək, Azərbaycan iqtisadiyyatının dayanıqlı inkişafına dəstək verməyi davam etdirəcək.
