®Sosial məsuliyyətli korporativ vətəndaş olan “PAŞA Bank” xüsusi qayğıya ehtiyacı olan uşaqlar üçün sosial layihə reallaşdırıb. “GİD CSR Consulting” şirkəti və 1 nömrəli Uşaq Reabilitasiya Mərkəzi ilə tərəfdaşlıq əsasında həyata keçirilən bu layihə Beynəlxalq Əlillər Gününə həsr olunub.
Layihə çərçivəsində uşaqlardan ibarət bir neçə komanda arasında intellektual yarış keçirilib. Yarışın əsas mövzusu Azərbaycanın ikinci Qarabağ müharibəsi və ölkəmizin zəngin tarixi ilə bağlı suallar əsasında qurulub. Tədbir sağlam və xüsusi qayğıya ehtiyacı olan uşaqların bərabər səviyyədə əyləncəli və intellektual fəaliyyətlərdə iştirakını təmin etmək, uşaqları kiçik yaşlarından bu mövzuya dair maarifləndirmək və onlarda düzgün təsəvvür yaratmaq məqsədi daşıyıb.
Qalib komandalar və iştirakçılar sertifikat və müxtəlif hədiyyələrlə təltif olunub, fiziki məhdudiyyəti olan uşaqların ailələrinə əlil arabaları təqdim olunub.
“PAŞA Bank” xeyriyyəçilik fəaliyyəti çərçivəsində bu cür təşəbbüslərini davam etdirmək niyyətindədir.
