®“PAŞA Bank”ın “PASHA Private Banking” blokunun baş direktoru Aqşin Mirzəzadə “InvestPro Azerbaijan 2023” konfransında çıxış edib.
Konfransın əsas məqsədi sahibkarlara öz məhsullarını təqdim etmək və şirkətləri haqqında məlumatlılığı artırmaqdır. Həmçinin konfrans iştirakçılara investisiya layihələri, sərvətin idarə edilməsi və biznes sahələrində baş verən yeniliklər barədə daha çox məlumat əldə etmək, müştəri və tərəfdaş şəbəkələrini genişləndirmək fürsəti yaradır.
Aqşin Mirzəzadə öz növbəsində tədbirdə “Azərbaycanda “private banking” və sərvətin idarə edilməsi” mövzusunda çıxış edərək iştirakçılara dəyərli məsləhətlər verib.
