Bakıda yerləşən PAŞA Bankın Türkiyədə ev sahibi olmaq istəyən azərbaycanlılara kredit verəcəyi açıqlanıb.
Banker.az xəbər verir ki, 2015-ci ildən Türkiyədə fəaliyyət göstərən bank azərbaycanlıların Türkiyədə ev almasını asanlaşdırmaq üçün aprel ayından etibarən Azərbaycan vətəndaşlarına mənzil krediti verməyə başlayıb.
Məlumata görə, krediti Azərbaycan manatı, Amerika dolları və ya avro, türk lirəsi ilə də istifadə etmək olar. Bank gələcəkdə Türkiyə vətəndaşlarına kredit verməyi planlaşdırır.
PAŞA Bankın baş direktor müavini Hale Yıldırım bildirib ki, “İki qardaş ölkə Türkiyə və Azərbaycan olaraq iki dövlət, bir millətik”. Azərbaycanın Türkiyəyə marağı yüksəkdir, bura onların da vətənidir. Biz PAŞA Bank Türkiyə olaraq 2021-ci ildə Premium Banking bölməmizi yaradaraq fərdi müştərilərə investisiya məhsulları təklif etməyə başladıq”. Yıldırım 2022-ci il üçün yalnız Azərbaycan vətəndaşlarını hədəfləməklə yanaşı, qarşıdakı dövrdə Türkiyə vətəndaşlarına da mənzil krediti verməyi planlaşdırdıqlarını açıqlayıb. Bu il pilot tətbiq edəcəklərini ifadə edən Yıldırım, “Bu məhsulda ipoteka məbləği alınacaq daşınmaz əmlakın 70%-i ilə məhdudlaşacaq. Məbləğdən və valyuta növündən asılı olaraq orta hesabla 5 il olacaq”.
Türkiyədəki ev qiymətlərini azərbaycanlılar üçün daha cəlbedici etdiyini bildirən Hale Yıldırım, “Türkiyəyə tez-tez səfərlər və Türkiyəyə təhsil almağa gələn universitet tələbələri də mənzilə tələbatı artırır. Ankara, İzmir, Antalya və Muğla başda olmaqla İstanbula maraq yüksəkdir” deyə qeyd edib.
