26 C
Baku
Şənbə, Sentyabr 18, 2021

PAŞA Bankda yeni təyinat

Screen Shot 2021 09 02 at 14.34.20

Ölkənin aparıcı korporativ bankı “PAŞA Bank”-ın Fərdi Bankçılıq departamentinə yeni kadr təyinatı baş tutub. Bankdan verilən məlumata əsasən, departamentin yeni direktoru vəzifəsinə Anar Abbasov təyin olunub.

Uzun müddətdir ki, özəl sektorda çalışan A.Abbasov bankçılıq və sığorta fəaliyyətinin idarə olunmasında zəngin təcrübəyə malikdir. 2008-ci ildən bəri o, “Bank of Baku” ASC-də müxtəlif biznes sahələrində, o cümlədən rəqəmsal bankçılıq, informasiya texnologiyaları, biznes prosesləri, layihələrin idarə edilməsi və başqa sahələrdə çalışıb. 2012-ci ildən həmin bankın müxtəlif departamentlərinə rəhbərlik etmiş, o cümlədən Məhsulların Yaradılması Komitəsinin sədri, sonra isə İT və Ödəniş Sistemləri üzrə sahə rəhbəri kimi fəaliyyətinə davam edib.

29 iyun 2021-ci il tarixində Anar Abbasov İdarə Heyəti Sədrinin müşaviri qismində “PAŞA Bank”ın komandasına qoşulub. 11 avqust tarixində A.Abbasov Fərdi Bankçılıq departamentinin direktoru vəzifəsinə təyin edilib.

Qeyd edək ki, A.Abbasov Milli Aviasiya Akademiyasının “İqtisadiyyat və hüquq” fakültəsini fərqlənmə diplomu ilə bitirib. O, həmçinin “Sheffield” Universitetinin “Ümumi idarəetmə” proqramı üzrə MBA dərəcəsini almaq üzrədir.

Screen Shot 2021 09 08 at 14.27.09
109,597AzarkeşlərKimi
Son xəbərlər
360x380 1
Oxşar xəbərlər