“PAŞA Bank” ASC 2023-cü ildə ticarət və investisiya qiymətli kağızları üzrə portfelini illik müqayisədə 267.6 milyon manat və ya 15 faiz artırıb.
Banker.az bunu bankın illik maliyyə hesabatına istinadən xəbər verir.
Belə ki, 1 yanvar 2024-cü il tarixinə bankın bu portfelinin həcmi 2 milyard 13.14 milyon manat təşkil edib.
Bu da bankın ümumi aktivlərində investisiya qiymətli kağızlara 23% payı olması deməkdir.
Öncəki ildə qiymətli kağızlar portfeli 1 mlrd. 745.5 mln. manat idi. Bu da cəmi aktivlərin 20% idi.
“PAŞA Bank” 2023-cü ildə qiymətli kağızlar üzrə investisiyasından 124.61 mln. manat faiz gəliri əldə edib ki, bu da illik müqayisədə 83% artımdır.
2023-cü ilin ilk yarısında olan audit hesabatına əsasən bankın qiymətli kağızlar portfelinin böyük hissəsi ipoteka istiqrazları, Azərbaycan Mərkəzi Bankının notları və dövlət istiqrazlarıdır.
