®PAŞA Kapital İnvestisiya Şirkəti “AZƏRBAYCAN MALİYYƏ FORUMU”nda aktiv iştirak edib. Əsas müzakirə mövzusu “NAİLİYYƏTLƏR VƏ ÇAĞIRIŞLAR” olan formun təşkilatçılığı Azərbaycan Banklar Assosiasiyası, Azərbaycan Mikromaliyyə Assosiasiyası, Azərbaycan Sığortaçılar Assosiasiyası, Azərbaycan Fintex Assosiasiyası, Azərbaycan Fond Bazarı İştirakçılarının Assosiasiyası tərəfindən həyata keçirilib.
Forum çərçivəsində maliyyə sektorunun inkişafı, rəqəmsallaşma üçün innovativ texnologiyaların tətbiqi kimi mövzular ətraflı şəkildə müzakirə edilib. Məlumdur ki, PAŞA Kapital İnvestisiya Şirkəti öz fəaliyyəti çərçivəsində Azərbaycan kapital bazarları üçün müxtəlif investisiya imkanları təqdim etmiş və hazırda da bunu davam etdirməkdədir. Qeyd edilməlidir ki, şirkət yerli və xarici kapital bazarlarında əldə etdiyi nailiyyətlərlə sektorun lider şirkətləri arasında yer alır.
Əlavə olaraq, forumda Azərbaycan maliyyə sektorunun nailiyyətləri və mövcud vəziyyəti ətraflı şəkildə təhlil edilib, həmçinin ölkə üzrə investisiyaya dair strateji planlar və çağırışlar müzakirə olunub.
Forumun sonunda tədbirin iştirakçıları tərəfindən Azərbaycan Respublikasının Prezidenti cənab İlham Əliyevin bütün sahələrdə həyata keçirdiyi siyasətini dəstəkləyən və onun davam etdirilməsini ifadə edən Bəyanat qəbul olunduğu elan edilib.
Əlaqə üçün: 1548
