“Paşa Sığorta” ASC “Xaliq Faiqoğlu” MMC-ni məhkəməyə verib.
Sığorta şirkəti ödənilmiş sığorta məbləğinin subroqasiya qaydasında tutulması tələbinə dair iddia ərizəsi ilə 1 saylı Bakı İnzibati-İqtisadi Məhkəməsinə müraciət edib.
Cavabdeh “Xaliq Faiqoğlu” MMC-dən subroqasiya qaydasında iddiaçı “Paşa Sığorta” ASC-nin xeyrinə, dəymiş ziyana görə 11 816 manat məbləğində sığorta ödənişinin tutulması barədə qətnamə qəbul edilməsini istəyib.
Məhkəmə iddia ərizəsini və ona əlavə olunmuş sənədləri nəzərdən keçirərək, hesab edib ki, iddia ərizəsi geri qaytarılmalıdır.
Belə ki, sığorta şirkəti tərəfindən MMC ilə mübahisənin məhkəməyə qədər nizama salınmasına riayət edilməsinə dair sənədin cavabdehə çatdırılmasına dair sübut əlavə edilməyib.
Qərara əsasən, sənədlər geri qaytarılıb.
©Report
