“PAŞA Sığorta” ASC “Ramse” MMC ilə bağlı məhkəməyə müraciət edib.
Banker.az xəbər verir ki, sığorta şirkəti Bakı Kommersiya Məhkəməsinə müraciət etmişdir.
Şirkətin müraciətindəki işin mahiyyəti mülki hüquq pozuntularından (deliktlərdən) əmələ gələn öhdəliklər üzrə mübahisələr – Maddi ziyanın ödənilməsindən qaynaqlanır.
İddia hakim Leyla Əliyevanın sədrliyi ilə araşdırılacaq.
Onu da qeyd edək ki, “Ramse” MMC günəbaxan tumlarının istehsalı ilə məşğuldur.
Xatırladaq ki, “PAŞA Sığorta” şirkətinin nizamnamə kapitalının həcmi 50 milyon manatdır və 300 000-ə yaxın korporativ və fərdi müştərisinə 36 növ könüllü və icbari sığorta üzrə xidmət göstərir.
