“PayPal” ödəniş sistemi martın 3-dən Rusiyada fəaliyyətini dayandırıb.
Banker.az bu barədə “Vc.ru”ya istinadən xəbər verir.
“Mövcud şəraitə görə şirkət Rusiyada fəaliyyətini davam etdirə bilmir. Biz Ukraynadakı hərbi əməliyyatı pisləyən dünya ictimaiyyətini dəstəkləyir”, – mesajda bildirilib.
Hesablardan pulun çıxarılması bir müddət mümkün olacaq. Şirkət “hesab qalıqlarının qüvvədə olan qanun və qaydalara uyğun olaraq bölüşdürüləcəyinə” zəmanət verir.
