Gələn il ünvanlı sosial yardımların məbləği artırılacaq…
2026-cı il üçün dövlət büdcəsində ünvanlı dövlət sosial yardımlarının verilməsi məqsədilə 465 milyon manat vəsait nəzərdə tutulub.
Bunu Milli Məclisin Əmək və Sosial Siyasət komitəsinin sədri Musa Quliyev deyib. O qeyd edib ki, ünvanlı dövlət sosial yardımının təyin edilməsi məqsədilə ehtiyac meyarının həddi 300 manata çatdırılacaq. Cari ildə bu göstərici 285 manat təşkil edib.
Musa Quliyev qeyd edib ki, gələn il büdcə vəsaitlərinin 17,1 milyard manatı və yaxud 41 faizi sosial yönümlü xərclərin maliyyələşməsinə yönəldiləcək.
Komitə sədri qeyd edib ki, növbəti ildə yaşa görə pensiyanın orta aylıq məbləğinin cari ildəki 576,02 manatdan 53,03 manat artaraq 629,05 manata yüksəlməsi proqnozlaşdırılır.
