O, həmçinin qeyd edib ki, ABŞ əsgərlərinin evə dönmə vaxtı çatıb
Pentaqon rəhbəri Ceyms Mettis Birləşmiş Ştatlar qoşunlarının Suriya ərazisindən çıxarılması haqqında saziş imzalayıb. Bunu “Fox News” telekanalı Pentaqonda olan mənbəyə istinadən xəbər verir.
Sənəddə qoşunların çıxarılmasının konkret vaxtı göstərilsə də, hələlik onlar açıqlanmır.
Xatırladaq ki, ABŞ prezidenti Donald Tramp dekabrın 19-u öz “Twitter” səhifəsində ABŞ qoşunlarının Suriyadan çıxarılmasının vaxtının çatdığını yazıb: “Uzun müddətdir ki, Suriyada müharibə aparırıq. İki ilə yaxındır ki, Birləşmiş Ştatlar prezidentiyəm. Həqiqətən, irəliləyişə nail olmuşuq. İŞİD-i məğlub etdik və torpaqları geri aldıq”.
O, həmçinin qeyd edib ki, ABŞ əsgərlərinin evə dönmə vaxtı çatıb.
