“Pepsi Bottlers Azerbaijan” (“Mars Overseas Baku LTD” MMC) nizamnamə kapitalı son bir ayda bir daha artırılmaqla 37 624 640 manata qaldırılıb.
Banker.az xəbər verir ki, qida içkiləri istehsal edən şirkətin nizamnamə kapitalı, fevralın əvvəli 2 500 000 manat (17%) 17 621 640 manata çatdırılmışdı. Mart ayının əvvəli isə şirkətin nizamnamə kapitalı 20 003 000 manat ( 2dəfədən çox, yaxud 113.5%) artırılmış olub.
“Mars Overseas” fəaliyyətinə 1999-cu ildə başlayıb. Şirkətin əsas fəaliyyəti meyvə şirələri, qazlı və qazsız içkilər, kompotlar və “snack”lərin istehsalı və satışıdır. Hal-hazırda bir çox adda məhsul istehsal edilir. Onların arasında “PEPSİ”, “MIRINDA”, “MOUNTAIN DEW”, “7UP”, “JALƏ”, “ЗОЛОТОЙ САД” və “NATURA”, “MIA”, “I’M TEA” əsas brendlər sayılır.
