Amerikanın “PepsiCo” şirkəti funksional qazlı içki markası “Poppi”ni 1.95 milyard dollara aldığını açıqlayıb, “Bloomberg” yazır.
Agentliyin məlumatına görə, sövdələşməyə 300 milyon dollar gözlənilən vergi kreditləri daxildir. “Poppi” müəyyən edilmiş performans göstəricilərinə nail olarsa, əməliyyatın xalis dəyərinə 1.65 milyard dollar əlavə ediləcək.
“Poppi” brendinin satın alınması “PepsiCo”nun sağlam məhsulların çeşidini genişləndirmək strategiyasının bir hissəsidir. 2024-cü ilin oktyabrında şirkət qəlyanaltı istehsalçısı “Siete Foods”u 1.2 milyard dollara almaq planlarını açıqlayıb və noyabrda onun 50%-ni İsrailin Yaxın Şərq yeməkləri istehsal edən “Sabra Dipping Co” şirkətindən alıb.
Agentliyin qeyd etdiyi kimi, funksional qazlı içkilərin populyarlığı artır, çünki onların tərkibində daha az şəkər var. Eyni zamanda prebiotiklər və lif sayəsində daha sağlamdır. Poppi içkiləri meyvə şirələri və alma sirkəsi ilə hazırlanır, bir porsiyada şəkərin miqdarı isə 5 qramı keçmir.
“İstehlakçılar həyat tərzinə uyğun gələn rahat, dadlı məhsullar axtarırlar və sağlamlıq və rifaha artan maraq göstərirlər”, – deyə “PepsiCo”nun baş direktoru Ramon Laquarta söyləyib.
