Polşanın Azərbaycandakı səfirliyi COVID-19 pandemiyası ilə əlaqədar müvəqqəti olaraq viza müraciətlərinin qəbulunu dayandırır.
Bu barədə səfirliyin rəsmi “Facebook” səhifəsində məlumat verilib.
“Konsulluq və Polşa Diaspor Şöbəsi bildirir ki, 16 mart tarixindən etibarən 29 mart 2020-ci il tarixinə qədər koronovirus COVİD 19 təhlükəsi səbəbindən, müştərilərin və milli viza üçün müraciətlərin qəbulu dayandırılır.
Şengen vizası üçün müraciətlər yalnız təcili və əsaslandırılmış hallarda qəbul olunacaq (konsulun qərarı)”, – deyə səfirliyin məlumatında qeyd olunub.
©APA
