6 C
Baku
Wednesday, February 28, 2024

Portuqaliya əcnəbilər üçün vergi güzəştlərini ləğv edir

Portuqaliya bəzi kateqoriyalı əcnəbilər üçün ölkəyə köçdükdən sonra 10 il ərzində qüvvədə olan güzəştli vergi rejimini ləğv etmək niyyətindədir, bu barədə “Bloomberg” yazıb. Yeni immiqrantlar üçün güzəştli rejim 2024-cü ildə tətbiq ediləcək.

“PwC”nin vergi partnyoru Bruno Andrade Alves “Financial Times” ilə söhbətində deyib ki, güzəştli vergi rejiminin tam və ya qismən ləğv ediləcəyi hələ aydın deyil. Onun sözlərinə görə, təfərrüatlar gələn həftə, hökumət yeni federal büdcə layihəsini təqdim ediləndə məlum olacaq.

Portuqaliya Maliyyə Nazirliyinin iyul ayında verdiyi məlumata görə, indiyədək güzəştli vergi rejimindən 89 min nəfər yararlanıb. “FT” qeyd edir ki, vergi güzəştləri varlı əcnəbilərin AB-nin ən yoxsul ölkələrindən birinə cəlb edilməsinə kömək etsə də, əmlak qiymətlərinin artması səbəbindən mənzil böhranına səbəb olub. Qəzet qeyd edir ki, xarici tələbatdan irəli gələn mənzil qiymətlərinin artması səbəbindən bir çox yerli sakinlər, xüsusən də Lissabon və Portoda sərfəli mənzil tapmaqda çətinlik çəkirlər. Böhranla mübarizə aparmaq üçün səlahiyyətlilər bu ilin əvvəlində ölkədə ev alanlar üçün qızıl viza proqramını ləğv edəcəklərini açıqladılar.

2023-cü ilin fevral ayında Portuqaliya ölkədə daşınmaz əmlaka investisiya etmək üçün qızıl viza proqramını bağlayıb.

Son xəbərlər
Digər xəbərlər