4 C
Baku
Monday, February 26, 2024

Prezident: “Manatın məzənnəsi ədalətlidir”

Azərbaycan hökuməti manatla bağlı bütün lazımi tədbirləri həyata keçirib.

Banker.azın ANS PRESS-ə istinadən verdiyi məlumata görə, bu haqda Davosda Dünya İqtisadi forumunda iştirak edən Azərbaycan prezidenti İlham Əliyev “RİA Novosti” agentliyinə müsahibəsində deyib.
Prezidentin sözlərinə görə, manatın hazırkı kursu ədalətlidir. “Manatla bağlı hökumət daha heç bir tədbir görməyəcək. Nə lazım idisə hər şey edilib. Düşünürəm ki, manatın bugünkü məzənnəsi neftin indiki qiymətləri baxımından sabitdir. Düşünmürəm ki, neftin bundan sonra ucuzlaşması manatın məzənnəsinə mənfi təsir göstərəcək. Manatın indiki məzənnəsi ədalətlidir. Əvvəllər manata bir az yüksək qiymət verilirdi indi isə o öz yerini tutub.”

Müxbirin “Rusiya şirkətləri Azərbaycanın dövlət aktivlərinin özəlləşdirilməsində iştirak edə bilərmi” sualını isə prezident bu cür cavablandırıb: “Rusiya Azərbaycanın yaxın dostudur. Əgər istəsələr, yalnız şad olarıq. Lakin hələ ki, müraciət edən olmayıb”.

Dövlət başçısı qeyd edib ki, ölkənin əsas ixrac məhsulunun dəyərsizləşməsi səbəbindən Azərbaycan hökuməti strateji aktividir olan SOCAR-ı özəlləşdirilməyəcək: “SOCAR dövlətin strateji aktividir. Bu səbəbdən onun özəlləşdirilməsindən söz gedə bilməz”.

İlham Əliyev həmçinin qeyd edib ki, özəlləşməsi nəzərdə tutulan şirkətlərin siyahısı yaxın vaxtlarda müzakirəyə çıxarılacaq.

Ötən gün isə prezident Davos Forumu çərçivəsində “Yeni enerji tarazlığı” adlı panel müzakirəsində çıxış edib.

İlham Əliyev çıxışında neftin qiymətinin düşməsindən danışıb. Prezident bildirib ki, dünya birjalarında neftin qiymətinin daha da ucuzlaşması təəccüblü olmayacaq.

Dövlət başçısı neftin qiymətinin bu səviyyədə düşməsini gözlənilməz adlandırsa da, Azərbaycanın iqtisadiyyatının stabil olduğunu deyib.

“Bizim kifayət qədər ehtiyatlarımız var. Mövcud vəziyyəti kompensasiya edə bilərik. Amma uzun zaman belə davam etsə, bizim büdcəyə böyük təsiri olacaq”.

[su_youtube url=”https://www.youtube.com/watch?v=VomIbp9TULY”]

Son xəbərlər
Digər xəbərlər