Şair Qəşəm Nəcəfzadəyə yeni vəzifə verilib.
O, Azərbaycan Respublikası Audiovizual Şurasının üzvü təyin edilib.
Müvafiq sərəncam oktyabrın 8-də Azərbaycan Respublikası Prezidenti tərəfindən imzalanıb.
Qeyd edək ki, Qəşəm Nəcəfzadə 2018-ci ildə “Azərbaycan Respublikasının əməkdar mədəniyyət işçisi” adına layiq görülüb. O, Azərbaycan Yazıçılar Birliyinin İdarə Heyətinin üzvü, “Uşaq ədəbiyyatı” şöbəsinin rəhbəri, “Azərbaycan” jurnalının poeziya şöbəsinin müdiri, Azərbaycan Respublikası Audiovizual Şurasında ekspert, Azərbaycan Dövlət televiziyasında redaktor və aparıcı və Azərbaycan Teleradio Akademiyasında müəllimdir.
