“PSG Finans” Bank Olmayan Kredit Təşkilatı MMC 2022-ci ildə ₼5.47 mln. həcmində xalis mənfəət əldə edib. 2021-c ili BOKT ₼1.97 mln. xalis mənfəət əldə etmişdi.
Banker.az xəbər verir ki, bu barədə BOKT-nin illik audit hesabatında deyilir.
Hesabat müddətində onun faizlər üzrə gəlirləri ₼3.94 mln. olduğu halda (2021: ₼3.07 mln. faizlər üzrə xərcləri cəmi ₼68 min (₼151 min ) olub. BOKT xalis mənfəətinin öncəki ildən daha çox olmasına səbəb isə gözlənilən kredit zərərləri üzrə ehtiyatın ₼0.38 mln.-dan ₼3.58 mln.-a qədər yeksəlməsidir.
BOKT işçi heyətinə ₼0.56 mln. (₼0.45 mln.) və ümumi inzibati ₼0.43 mln. (0.55 mln.) xərclər çəkib.
BOKT 2022-ci il üzrə mənfəətindən dövlətə ₼1.21 mln. vergi ödəyib (20%-lə hesablanır).
BOKT-nin 1 yanvar 2023-cü il tarixinə bölüşdürülməmiş mənfəət ₼8.23 mln. olub. BOKT 2022-ci ilcə bölüşdürülməmiş mənfəətdən cəmi ₼292 min səhmdarlara dividend elan edib.
BOKT aktivlərinin həcmini ₼14.68 mln. -dan ₼19.87 mln.-a yüksəldib. Aktivlərin 18.82 mln. ₼ı müştərilərə verilmiş kreditlərdir ki, illik bu portfel 59% artmış olub.
“PSG Finans” əlaqəli tərəfdən ₼1.34 mln. iki il öncə borc alıb, həmin borcdan hələ ki, qaytarmayıb. BOKT-nin ₼1.65 mln. ₼ cəmi öhdəlikləri vardır.
Xatırladaq ki, “PSG Finans” 2013-cü ildə yaradılıb. Onun nizamnamə kapitalı 10 milyon manatdır. BOKT-un təsisçiləri 75%-lik payla “Practical Solutions Middle East FZ” şirkəti, eləcə də hər biri 12.5%-lik payla Faiq Məmmədov və “Chaparxana KFT” şirkətidir.
“PSG Finans” “PSG” şirkətlər qrupuna daxildir. Bu holdinqdə həm də “PSG Kapial İnvestisiya Şirkəti” QSC təmsil olunur. BOKT-un təsisçisi olan F.Məmmədov həm də investisiya şirkətinin yeganə səhmdarıdır.
