4 C
Baku
Sunday, December 4, 2022

Putin enerji və ərzaq məhsullarının qiymətində volatillik fonunda real aclıq təhlükəsinin olduğunu bildirib

Rusiya Prezidenti Vladimir Putin dünyada enerji və ərzaq məhsullarının qiymətindəki volatillik fonunda real aclıq təhlükəsinin və irimiqyaslı sarsıntıların mövcud olduğunu bildirib.

Bunu o, Astanada keçirilən Asiyada Qarşılıqlı Fəaliyyət və Etimad Tədbirləri üzrə Müşavirənin 6-cı Zirvə Toplantısında çıxışı zamanı deyib.

“Bizim Konfrans və digər regional assosiasiyalar bir çox ciddi problemlərlə məşğul olmalıdır. Digər məsələlərlə yanaşı, enerji, ərzaq, gübrə, xammal və digər mühüm məhsulların qiymətində artan volatilliyi nəzərdə tuturam”, – Rusiya dövlət başçısı vurğulayıb.

O, Əfqanıstandakı vəziyyətə toxunaraq deyib ki, bu ölkə region üçün təhlükəsizlik baxımından ən ciddi problemlərindən biri olaraq qalır: “Bu ölkə ABŞ və NATO-nun 20 ildən çox hərbi mövcudluğundan, onların siyasətinin uğursuzluğundan sonra terror təhlükələri ilə bağlı problemləri müstəqil həll edə bilməyib”.

Rusiya Prezidenti Əfqanıstanın bloklanmış vəsaitlərini açmağa və ölkəyə dəymiş ziyanı kompensasiya etməyə çağırıb.

MənbəReport
Son xəbərlər
Digər xəbərlər
X