Rusiya Prezidenti Vladimir Putin ölkədə ümumi iqtisadi vəziyyət sabitləşsə də, daxili iqtisadiyyatın müəyyən sektorlarında problemlərin olduğunu etiraf edib.
Bu barədə Putin Vladivostokda keçirilən Şərq İqtisadiyyat Forumunda çıxışında bildirib.
“Bəli, ümumilikdə iqtisadi vəziyyət sabitləşib, lakin təbii ki, biz bir sıra sənaye sahələrində və regionlarda, ölkənin ayrı-ayrı müəssisələrində, xüsusən də Avropadan tədarüklə bağlı olan və ya məhsullarını orada tədarük edən müəssisələrdə problemlərin olduğunu görürük. Bizneslə birlikdə operativ qərarlar qəbul etməyə davam etmək və effektiv ünvanlı dəstək mexanizmlərini işə salmaq vacibdir”, – deyə Putin vurğulayıb.
O, hökumət komissiyasına Rusiya iqtisadiyyatının sabitliyini yaxşılaşdırmaq üçün bu məsələni daim nəzarətdə saxlamağı tapşırıb.
