Putin Ukrayna ilə münasibətlər haqqında məqalə yazıb

V.Putin

Vladimir Putin rusların və ukraynalıların tarixi birliyinə həsr olunmuş məqalə yazıb.

“Rusların və ukraynalıların tarixi birliyi haqqında” məqalə Kremlin saytında yerləşdirilib.

Vladimir Putin son ənənəvi illik mətbuat konfransında Rusiya və Ukrayna haqqında mövcud vəziyyətə münasibətini ifadə edən analitik məqalə yazacağını bildirmişdi.

O məqaləsində rusları və ukraynalıları vahid xalq hesab etdiyini vurğulayıb.

“Vurğulamaq istəyirəm ki, son illərdə Rusiya ilə Ukrayna, əslində ortaq tarixi və mənəvi məkanın hissələri arasında divar yaranmasını faciə kimi qəbul edirəm.

Bu, müxtəlif dövrlərdə etdiyimiz səhvlərimizin nəticəsi olmaqla yanaşı, həm də daim bizim birliyimizi pozmağa çalışan qüvvələrin məqsədyönlü işinin nəticəsidir. İstifadə olunan tarixi düstur məlumdur: parçala, hökm et. Ortada yeni bir şey yoxdur. Milli məsələ ilə oynamaq, insanlar arasında nifaq salmaq cəhdləri də buradan gəlir. Əsas vəzifə vahid xalqı bölmək, sonra isə üz-üzə qoymaqdır”, – deyə Putin məqaləsində qeyd edir.

V. Putin yazır ki, Rusiya Ukraynanın müstəqil ölkə olması üçün çox iş görüb.

O, Ukrayna və Rusiyanın əsrlərlə vahid iqtisadi sistem kimi inkişaf etdiyinə diqqət çəkib, 30 il əvvələ qədər mövcud olmuş bu kooperasiyaya Avropa İttifaqının belə həsəd apara biləcəyini vurğulayıb.


Kredit müraciəti

Sizin müraciətiniz banka göndərildi.