Qərb hökumətlərinin iqtisadi bloklarının rəhbərləri Vaşinqtonda keçirdikləri görüşlərdə inflyasiya ilə mübarizə və dünya bazarına enerji resurslarının çatdırılmasını təmin etmək üçün qətiyyətli tədbirlər görmək barədə razılığa gəliblər.
Bu barədə Beynəlxalq Valyuta Fondu və Dünya Bankının rəhbər orqanlarının payız sessiyasında iştirakının yekunlarına dair mətbuat konfransında ABŞ-ın maliyyə naziri Canet Yellen bildirib.
“Böyük iqtisadiyyatlardakı həmkarlarım və mən razılaşdıq ki, hər bir ölkənin üzləşdiyi problemlərin fərdiliyinə baxmayaraq, inflyasiya ilə mübarizə, enerji təchizatını təmin etmək və digər iqtisadi təzyiqləri azaltmaq da daxil olmaqla qətiyyətli addımlar atmalıyıq”-deyə, o bildirib.
